Tenis na escola 2016-2017
O programa tenis na escola é un programa promocional que busca achegar o tenis ás escolas de Galicia. A través deste programa queremos resolver un dos principais problemas aos que se enfrontan as escolas para impartir unha unidade didáctica dedicada ao tenis, que é a falta de material específico para o tenis.
Dende a Federación Galega de Tenis ofrecemos aos colexios de primaria, secundaria, ESO e Bacharelato a posibilidade de recibir a asignación dun paquete de material l (25 raquetas e 25 pelotas) por un período aproximado dun mes, co fin de desenvolver a unidade didáctica.
Ao longo do curso 2015-2016, máis de 4.000 nenos e nenas beneficiáronse deste programa, que segue crecendo ano tras ano.
Para solicitar o uso do material, é necesario cubrir o seguinte formulario:
O prazo para recibir solicitudes remata o 7 de outubro. A partir desa data establecerase o calendario de traslados e informarase a cada centro da data na que corresponde o material, así como do mecanismo de entrega / recepción.
Unha vez rematado o prazo de solicitude, admitiranse inscricións, pero as transferencias estarán suxeitas á dispoñibilidade de paquetes de material.
Para aclarar dúbidas pode poñerse en contacto co coordinador: carloscoira@fgtenis.net