Proba do Circuíto Rexional en Ureca (03/03/2012)
A segunda proba de Ureca do circuíto rexional na zona sur celebrouse nas instalacións de Ureca o 03 de marzo de 2012. Nesta nova publicamos a crónica:
Crónica:
O sábado 3 de marzo celebrouse nas instalacións de Ureca o II torneo autonómico do programa da Federación Galega na zona de Pontevedra.
Programa con prioridades claras; promover o tenis entre os máis novos e acercalos á competición, facéndoo atractivo e cubrindo ese oco existente ata que comecen cos tradicionais campionatos federados.
Ureca, como club, está consolidado no desenvolvemento desta interesante iniciativa federativa e fíxoo baixo un formato moi específico, buscando unha ampla participación e igualdade na competición. Así, creáronse tres grupos: iniciación, mellora e alta mellora segundo o nivel de xogo do neno. Competindo todos contra todos para clasificarse do primeiro ao último lugar (o que garantiu a cada neno 6 xogos). A iniciación xogouse coa pista reducida a ¾ e bolas de baixa presión, perfeccionando o sistema normal.
Formato: un día completo con comida conxunta: en cada cancha (xogouse en 5 simultaneamente) había un monitor para axudar na puntuación, corrección e supervisión, en resumo, guiando ao neno nos seus primeiros xogos. O día consistiu na competición de 10:00 a 14:00 para clasificarse á fase final ou fase de consolación, de 14:00 a 15:00 comida conxunta. De 15:00 a 18:45 fases finais e consolo. Ás 18:45 entréganse trofeos e camisetas a todos os participantes, con diplomas e premios especiais para campións e accésits.
O circuíto autonómico consolídase como unha gran iniciativa federativa, a proba diso é que no torneo Ureca houbo máis preinscricións que prazas, polo que se realiza unha nova proba o día 17 cos preinscritos que non asistiron e os que o desexen inscríbense ata completar as 40 prazas.
Dende a organización entendemos que foi un excelente día de tenis, máis que cumprir o obxectivo fixado, de xeito que todos os nenos disfrutaron dun día que os animará a seguir adestrando e participando en competicións deste tipo ou doutro. Destacar o bo comportamento dentro e fóra da pista dos nenos, animando a outros clubs a realizar este tipo de torneos ou similares no marco deste programa. Felicitar non só aos gañadores senón a todos os participantes. PARABÉNS CHAVALES!
Mención especial aos gañadores de cada categoría: alta mellora: Martín Millos - mellora: Pablo González e iniciación: Jorge Vilariño. E aínda que non foron campións das súas categorías para dous xogadores que ao longo do día mostraron unha enorme combividade e ganas de mellorar: Cristina Vázquez e Diego Sánchez. CRIS E DIEGO SODES UNS CRACK!
Non queremos esquecer aos pais, eternos enfermos deste deporte, destacando o seu comportamento e sabendo estar, acompañando aos seus fillos case todo o día e asistindo practicamente á entrega de premios despois das 9 horas do torneo. O que, obviamente, deu ao torneo unha gran vistosidade.
En resumo, e como conclusión, a organización agradecería primeiro á Federación este tipo de programas e, en segundo lugar, aos pais e xogadores a súa participación, esperando que pasasen un fermoso día de tenis nas nosas instalacións.
Crónica de Luís Fernández
Estes son os inscritos e a galería de imaxes:
Nas seguintes ligazóns podes descargar o dossier da concentración e o formulario de inscrición: