Deixounos Manolo Estévez
Onte, sábado 24 de marzo, deixounos Manolo Estévez, aos 86 anos.
Manolo traballou intensamente para a Federación Galega de Tenis desde 1988 ata finais de 2010, baixo as presidencias de Antonio Santorio e José Luis Ameneiro.
Foi vicepresidente da Federación durante todo este tempo. Pero sen dúbida, o que máis lle gustou foi o seu traballo diario, o "seu" Comité de Competición.
Os que o coñeciamos lembramos o seu bo espírito, sempre pacífico, sempre pensando no ben común para todos os equipos, para todos os tenistas.
O noso pésame á familia e especialmente á súa muller Olga e á súa filla Loli.