Martín Varela subcampión do Open de cadeiras de rodas de Cataluña
Martín Varela Dourado chegou á final individual e de dobres do XXI Campionato de tenis de cadeira de rodas de Cataluña aberto 'In Memoriam Oliver Puras' celebrado do 25 ao 27 de marzo de 2011.
Martín chegou á final individual tras superar a Mikel Muñoz (61 62) en cuartos de final e a Carlos Pina (60 64) nas semis, pero non puido superar ao catalán e ao número 1 Quico Tur.
Na táboa de dobres formou parella co madrileño Rubén Pérez. Ambos conseguiron ser subcampións nesta proba despois de xogar a final con Quico Tur e Josep Luis Montoya.
Neste torneo, celebrado nas instalacións do Atlètic Terrassa, tamén participou o galego Juan Gutiérrez. Juan gañou a José Coronado na primeira rolda por 60 60, pero perdeu contra Quico Tur nos cuartos de final.