Descanso forzado para Martín Varela
O tenista cormelán vese obrigado a deixar a súa actividade deportiva por mor dun problema físico que se arrastra desde hai tempo.
Este xoves comezaría o Memorial Oliver Puras - Caja de Burgos no que Martín Varela ía intentar seguir anotando puntos na súa carreira a Río pero o atleta do AD Vidú terá que facer un descanso forzado debido a unha hernia que sofre e ao que duplicou o seu tamaño dende o último escaneo.
O tempo de descanso aínda está por determinar, xa que todo depende do diagnóstico do cirurxián que atenda o cormelan e das probas que ten que realizar para coñecer o alcance da lesión sufrida.
Esta ruptura forzada corta a boa progresión de Martín na súa carreira cara a Río, pero isto faralle volver máis forte que nunca para loitar polo gran obxectivo da tempada.
Este loitador aínda ten moitas cousas que dicir e coa súa característica garra loitará pola clasificación para os Xogos Olímpicos de Río 2016.