De la Puente campión do VIII Open Nacional «Cidade de Marbella»
Martín De la Puente proclamouse campión do VIII Open Nacional "Cidade de Marbella" en tenis de cadeira, despois de vencer na final a outro galego, Martín Varela, por 6-4 e 1-0. Varela tivo que retirarse por problemas nas costas.
De la Puente, que comezou coa cabeza de serie número 1, conseguiu chegar á final ao vencer a Víctor Marcen en cuartos de final por 63 64 e a José Coronado en semifinais por 63 75.
Pola súa banda, Varela chegou á final superando a Josu Villahoz en oitavos de final cun dobre 62 e gañando en dous enfrontamentos moi duros en cuartos de final e semis, contra Juan M. Ramos 63 26 75 e Kike Siscar 75 26 63 respectivamente.
En dobres a vitoria foi para Carlos Pina e Víctor Marcen, xa que a final non se xogou pola lesión de Varela que foi parella con De la Puente.