Os días 28, 29 de abril e 5 de maio disputouse nas pistas de barro do Club de Tenis Coruña o Campionato Galego Absoluto de Tenis por Equipos da primeira categoría masculina, onde o Club anfitrión acadou o título de campión.

Os 8 mellores equipos galegos enfrontáronse, contando nas súas filas cos mellores xogadores galegos entre os que podemos destacar ao campión galego absoluto Miguel Casal (Ureca de Vigo) cuxo ranking nacional é 59, o campión galego júnior, Alain Garrido ( Real Club Nautico de Vigo), ou estudantes do Centro Galego de Tecnificación Deportiva, Rodrigo Figueroa (Coruña Tennis Club), Jaime Vázquez (Sporting Coruña Casino) ou Chema Fantova (Ferrolano Tennis Club Casino), en definitiva, o máis alto nivel de tenis Galego.

Os cuartos de final enfrontáronse ao Club Fluvial de Lugo co Club de Tenis Coruña (3-5); ao Casino Ferrolano co Casino Coruña (4-5); ao Real Club Nautico de Vigo co Club de Tenis de Pontevedra (5-4) e ao Club de Tenis Monterreal con Ureca de Vigo (5-1).

As semifinais enfrontáronse por unha banda ao Club de Tenis Coruña co Real Club Naútico de Vigo (5-4) e pola outra ao Sporting Coruña Casino co Club de Tenis Monterreal (4-5).

O domingo 29 de abril disputáronse os enfrontamentos por ascenso ou descenso. O resultado foi o descenso de Casino Ferrolano TC e Ureca de Vigo. Promocionan o Club Fluvial de Lugo e o Club de Tenis de Pontevedra.

Os xogos previstos para o martes 1 de maio tiveron que aprazarse para o sábado 5 de maio, xa que o mal tempo fixo que as pistas do Club de Tenis Coruña resultasen pouco prácticas.

A final enfrontouse ao Club de Tenis Coruña co Club de Tenis Monterreal e rematou cun 6-3 a favor do Club de Tenis Coruña.