Campionato Galego Infantil - Memorial Manuel Alonso 2015

Crónica de Chisco Pardo:

 

Durante toda a semana celebrouse nas instalacións do Club de Tenis Coruña o Campionato Galego Infantil, Memorial Manuel Alonso. 32 rapaces e 32 rapazas de toda Galicia deron todo por facer un bo traballo no torneo e amosar, ao numeroso público que seguiu aos partidos, as súas mellores habilidades no tenis.

 

Onte domingo puxo o toque final coa disputa das finais. Baixo un sol ardente e acompañado de novo por un público fiel, comezaron as finais masculina e feminina ao mesmo tempo.

 

Na categoría feminina enfrontáronse dúas boas amigas, como Uxía Martínez, xogadora local, e Jessica Bouzas, inscritas nas filas do Club de Tenis Rial de Villagarcía. 

Pronto no primeiro set, Uxía comezou a gañar distancia no marcador para acabar levándose o primeiro set por un rotundo 6 a 1. Como non podía ser doutro xeito, no segundo set, houbo unha boa reacción de Jessica, Loitadora por natureza, fixo que o conxunto tivese que decidirse pola morte súbita. A maior experiencia de Uxía, recordamos que Jessica aínda terá o ano que vén na categoría, levouna a gañar o tie break e, polo tanto, a proclamarse campioa galega infantil.

 

Na outra pista, Alejandro Calviño, nas filas do Mercantil de Vigo e Juan García Burgos, xogador local, disputaron a súa final. Alejandro fíxose co primeiro set 6/4 liderando o marcador en todo o set. Na segunda Juan tirou de casta para imporse 7/5 e manter a incerteza de quen sería o campión.

No terceiro e último set, o físico xogou un papel importante e axudou a Alejandro a escapar no marcador ata o definitivo 6/2 que puxo o punto final ao xogo e deu o título a Alejandro, primeiro ano na categoría infantil.

 

 

Ao remate dos partidos tivo lugar a entrega de premios. Dado o gran número de público presente, os xogadores non dubidaron en dedicar unhas palabras de agradecemento a todos os asistentes polo apoio recibido ao longo da semana.

 

Nunha semana partirán cara a terras de Albacete para competir no Campionato de España. Desexámoslle toda a sorte do mundo e esperamos que goce da experiencia.

 

Pito marrón.

Subcampión Galego Infantil: Jessica Bouzas Maneiro

Terceiro clasificado: Carla Del Barrio Blanco

Subcampións galegos de dobres júnior: Sara Agis Leiro / María Otero Villaverde

 

Na seguinte ligazón podes abrir a galería de imaxes:

 

 

Imaxe:

 

• Táboas rexionais [ligazón]
• Lugo [ligazón]
• A Coruña [ligazón]
• Orense [ligazón]
• Pontevedra [ligazón]

Publicamos as bases de cada unha das probas: