Campionato Galego Júnior de Tenis 2016
Luis Fernández Labarta e Celia Montero Estevan proclámanse Campións Galegos Júnior 2016.
O novo club de Lugo, o Club D10, acolleu durante esta Semana Santa a organización do Campionato Galego Júnior. Durante a competición puideron gozar de grandes partidos e confirmouse a boa forma de Luis Fernández Labarta, que como cadete conseguiu proclamarse campión júnior, gañando na final contra o xogador vilagarcián Ricardo Vidal Iglesias por 6 / 4 - 6/1. Do mesmo xeito, Celia Montero Estevan, tamén na categoría cadete, fíxose coa vitoria ante unha gran xogadora como Uxía Martínez Moral por un marcador de 6 / 4-6 / 2.
Na proba de dobres masculino, Ricardo Vidal Iglesias e Luis Montull proclamáronse campións galegos de dobres contra a parella formada por Martín Millos Iglesias e José Basanta Díaz nun partido moi disputado cun resultado final de 7/6 -7/5.
Nesta crónica non podo ignorar un aspecto claramente negativo que foi o elevado número de WO inxustificados, xa que implica unha falta de respecto e consideración para todos os actores deportivos, institucións, organizadores e xogadores.
Finalmente, resalta a profesionalidade do equipo organizador e do árbitro poñendo a disposición todo o necesario para que a competición vaia adiante, especialmente en días moi complicados a nivel meteorolóxico como o do venres 25 de marzo.
Na entrega de trofeos acompañáronnos:
Presidente da Federación Galega de Tenis: D. José Antonio Pereiro
Xerente do club: Sr. Leo Real
Presidente do Comité Galego de Árbitros: D. Gabriel Fernández
Crónica de Marco A. Casal
Cadro de honra:
Individual masculino:
- Campión: Luis Fernández Labarta
- Subcampión: Ricardo Vidal Iglesias
Individual feminino:
- Campión Celia Montero Estevan
- Subcampión. Uxía Martínez Moral
Dobles masculino:
- Campións: Ricardo Vidal Iglesias / Luis Montull Piñeiro
- Subcampións: Martin Millos Iglesias / José Basanta Díaz
Na seguinte ligazón podes ver as imaxes:
Publicamos as bases e o cartel nas seguintes ligazóns: