Campionato de España de equipos infantís por comunidades autónomas
Do 27 de setembro ao 2 de outubro disputouse na Academia Equelite Juan C. Ferrero o Campionato de España de equipos infantís por comunidades autónomas. Estes foron os resultados dos equipos galegos:
O equipo masculino formado por: Luís Morillo, Oscar Barreiro e Pablo Casal e capitaneado por Iván Tarrío chegou aos cuartos de final, mentres que o equipo feminino formado por: Estefanía Mariño, Valeria López e Iria Seoane e capitaneado por Pedro Sánchez non puido pasar dos oitavos de final. .
O mércores 28 o equipo feminino enfrontábase á comunidade de Aragón, o primeiro punto da eliminatoria daría a Valeria López xogando número 2 contra a aragonesa Laura Falceto por 6 / 4-7 / 6 (10-5), o número 1 Estefanía Mariño faríao ser derrotado o 5 / 7-6 / 3-6 / 1 por Irene Burillo. Os dobres non decisivos xogaríanos Valeria López e Iria Seoane contra Laura Falceto e Teresa Zorrilla, perdendo as galegas por 9/4.
O xoves 29 o equipo masculino enfrontouse a Castela a Mancha despois de pasar adiantada a primeira rolda, o primeiro punto galego conseguiríao Oscar Barreiro, xogando número 2, contra o Machego Rubén Martín, gañando 6 / 2-1 / 6- 7 / 5 despois de case tres horas de xogo. No seguinte encontro Luis Morillo xogando co número 1 cedería un punto na eliminatoria contra José L. Valiente, sendo derrotado o 6 / 3-6 / 2. O desempate sería decidido a favor da Comunidade galega pola parella Luís Morillo - Pablo Casal derrotando á parella manchega Jesús M. Araque-JL Valiente nun emocionante partido, por 6/4 e 7/5 chegando a cuartos de final.
O venres 30, a selección galega foi superada por un poderoso equipo canario, perdendo a Oscar Barreiro 6 / 0-6 / 1 contra o canario Mauricio Benítez, Luís Morillo sería derrotado por Guanarteme Nuez por 6/1 e 6/3. Os dobres non decisivos xogados pola parella Morillo-Casal contra Mauricio Benítez e Andrés Arce serían gañados polos canarios por 6/4 e 6/2.
Crónica de Iván Tarrío