25 Aniversario do Centro Galego de Tecnificación Deportiva

Este curso, o Centro Galego de Tecnificación Deportiva cumpre 25 anos e por este motivo, a Secretaría Xeral para o Deporte organizou onte xoves 20 de xuño un evento aniversario en Pontevedra.

Durante a celebración houbo un recoñecemento aos olímpicos que pasaron polo CGTD: Gustavo Nieves, Jacobo Maroño, Ana Penas, Beatriz Gómez, David Mascato, Teresa Portela, Jacobo Suárez, José Manuel Crespo, Jovino González, Horacio Allegue, Alfredo Bea , Juan Zunzunegui, Ramón Ferro, Miguel Ángel Álvarez, Paula Carballido, María Abel e os medallistas olímpicos David Cal (5 metais), Pablo Cimadevila (4), Carlos Pérez (1) e Javier Gómez Noya (1).

O presidente da Xunta, Alberto Núñez Feijoo, o presidente do Consello Superior de Deportes, Miguel Cardenal, e o secretario xeral para os deportes, José Ramón Lete Lasa, presidiron a cerimonia, que contou coa presenza do presidente da Federación Galega de Tenis, José A. Pereiro Rodríguez, ademais de numerosos atletas, adestradores e persoal do CGTD que participaron na historia do Centro durante estes anos.