O pasado martes a Xunta de Galicia entregou as distincións ao mérito deportivo de Galicia e entre os 108 premiados estiveron Cayetano Burrieza Pizarro (tenis), Pepín Méndez Novoa (tenis) e Manuel Quiroga Pérez (polideportivo).

Durante o acto, o presidente da Xunta agradeceu o traballo das persoas e entidades recoñecidas por promover a práctica deportiva e os seus valores así como por contribuír a facer de Galicia un referente internacional no ámbito deportivo. Tamén destacou o momento que atravesa o deporte galego con máis federados que nunca -case 310.000 licenzas-, con máis deporte de base que nunca (récord de participantes no programa de actividades recreativas deportivas Xogade para rapaces de 6 a 16 anos). e o maior número de deportistas de alto nivel da historia.