O CSD publica axudas para a mellora e optimización das instalacións deportivas para o fomento do turismo deportivo sostible.

Os beneficiarios destas axudas, cuxo valor total ascende a 36 millóns de euros con cargo aos Fondos Europeos, son as Administracións Públicas propietarias de instalacións ou espazos deportivos nos que se poidan realizar actividades de turismo deportivo sostible, entendéndose por estas aquelas que supoñan tanto o desprazamento como/ou aloxamento de persoas para presenciar e/ou participar en calquera evento deportivo ou para practicar actividade físico-deportiva.

Subvencionaranse, cunha contía máxima de 600.000 euros por cada entidade beneficiaria, aqueles investimentos destinados á adecuación e mellora dos espazos e instalacións, os accesos e aparcadoiros, os vestiarios e ximnasios, as salas de readaptación e enfermaría, os residencias e as salas dedicadas á formación. Tamén aqueles investimentos dirixidos á mellora da eficiencia enerxética, así como á adecuación, adaptación e melloras das instalacións que teñan por obxecto a consecución dos obxectivos de transición ecolóxica, dixitalización, igualdade e inclusión, e accesibilidade e/ou seguridade nos locais.

As entidades interesadas presentarán unha única solicitude, que conterá como máximo dous proxectos financiables.