PRAZO REMATADO

Publicamos a información sobre as probas de acceso á Tecnificación Provincial, programa no que a Federación Galega de Tenis oferta adestramentos gratuitos a xogadores e xogadoras que desexen progresar no tenis.

A tempada pasada foron 150 os nenos e nenas que se beneficiaron deste programa.

A tecnificación provincial está dirixida a xogadores desde benxamín a júnior e constará de dúas partes:

1º.- Período de adestramentos (de outubro a decembro):

Haberá 8 sesións de 90 minutos, que poden ser adestramento na pista ou charlas sobre diferentes temas (valores, regulamentos, psicoloxía, preparación física ...).

A cada xogador asignaráselle un grupo segundo a súa idade / nivel na zona máis próxima (A Coruña, Santiago, Ferrol, Lugo, Vigo, Pontevedra, Ourense).

Para evitar desprazamentos, todos os adestramentos realizaranse nesa zona.

Clubs de adestramento: haberá rotacións entre os clubs anfitrións en cada zona.

2o.- Período competitivo (febreiro a setembro):

Os xogadores e xogadoras deberán participar como mínimo en 3 torneos do Circuíto Rexional Xuvenil Galicia Head Tour.

O calendario publicarase en xaneiro de 2025.

O circuíto consta de 5 torneos e os xogadores poderán seleccionar os 3 torneos que máis lles interesen en función da localización ou das datas.

REQUISITOS PARA OBTER A BOLSA:

Para acceder a esta bolsa é necesario superar as probas de acceso e cumprir os seguintes requisitos:

• Benxamíns e alevíns: realizan 3 horas semanais de adestramento nos seus clubs.
• Infantís, cadetes e juniors: realizan 4 horas semanais de adestramento nos seus clubs.

Nota: Se un xogador non chega a ese número de horas, deberá falar co seu club e completalas para ser incluído no programa.

• Ter licenza federativa e estar empadroado en Galicia.

Os requisitos competitivos para permanecer no programa son:

• Participar nun mínimo de 3 probas do Galicia Head Tour 2025.

Podes inscribirte nas probas de acceso a través deste formulario:

A data límite para realizar a inscrición: 18/09/2024.

O venres 20 de setembro enviarase un correo electrónico confirmando o lugar e a hora das probas a cada xogador inscrito.

PROBAS DE ACCESO:

ZONA	DATA
Ourense	Luns 23 de setembro
Lugo	Martes 24 de setembro
A Coruña	Luns 23 de setembro
Ferrol	Martes 24 de setembro
Santiago	Mércores 25 de setembro
Pontevedra	Xoves 26 de setembro
Vigo	Venres 27 de setembro

Nota: no caso de que non se cumpra o número mínimo de inscritos para as probas de acceso nunha determinada área, poden unificarse dúas áreas.