A Xunta, a través do Observatorio Galego da Familia e da Infancia, aprobou o 14 de maio de 2024 o Protocolo de protección de nenos, nenas e adolescentes fronte á violencia no deporte en Galicia.

Trátase dunha medida pioneira en Galicia, de obrigado cumprimento para todos os centros que realicen actividades deportivas na comunidade e extensible por tanto a todas as federacións e clubs, segundo a Lei Orgánica 8/2021, de 4 de xuño, de protección integral á infancia e á adolescencia fronte á violencia.