Este programa está dirixido a todas as xogadoras galegas con licenza da Federación Galega de Tenis que participan no circuíto profesional de tenis (WTA).

As condicións para acceder a este programa son as seguintes:

• Ter licenza pola FGTenis
• Ser galega ou ter un mínimo de 2 anos de residencia en Galicia.
• Residir no ano en curso en Galicia.
• Participar en polo menos 6 eventos do circuíto feminino WTA-ITF.
• Presentar un calendario de competicións para o ano en curso e o programa de adestramentos.
• Participar no Campionato Galego Feminino Absoluto.
• Participar nas probas dos circuitos femininos WTA-ITF que se celebren en Galicia.
• Participar en campañas publicitarias, recepcións ou clínics organizados por FGTenis.
• Representar á FGTenis nas posibles seleccións autonómicas.

O programa concede as seguintes axudas ás xogadoras incluídas neste programa:

• Subvención do 50% dos gastos en torneos WTA-ITF femininos, desde o día anterior ao comezo da participación na competición, ata o día seguinte ao da finalización da participación na competición.
  • Manutención cun máximo diario de 35 € / persoa.
  • Aloxamento cun máximo diario de 45 € / persoa.
  • Inscrición.
  • Viaxe, billete de avión ou se é en vehículo 0,19 € / km (ida e volta).
• Todos os gastos deberán xustificarse mediante factura.
• Posibilidade de cesión da furgoneta da FGTenis para o desprazamento. (dependendo da dispoñibilidade).
• A cantidade máxima asignada a este programa é de 10000 €.
• Os gastos deducibles están restrinxidos á xogadora.
•     As competicións nas que vaian acompañadas do seu adestrador (deben ser adestradores titulados) aboaránlle ao adestrador unha dieta de 70 € / día (contados desde o inicio da participación ata a súa eliminación).

Convenio

Ambas partes asinarán un convenio no que se comprometen a cumprir as condicións descritas no programa profesional de tenis feminino.

O incumprimento dalgunha das condicións do acordo terá a seguinte consecuencia:

• Reembolso de todas as axudas recibidas relacionadas con este programa.

A FGTenis terá en conta aspectos non relacionados coa xogadora que lle impidan cumprir algunha das condicións establecidas, como por exemplo unha lesión.

Prazo de solicitude

Nun período dun mes desde o 16 de marzo de 2021 ata o 16 de abril de 2021, as xogadoras poderán solicitar unirse ao programa mediante a inscrición no Formulario.