Despois de gañar un título de W15 en Túnez a principios da tempada, Dmitruk perdera dúas finais consecutivas de W25 en Georgia en maio. E a terceira foi o vencida. A xogadora de Minsk comezou a todo gas cunha rotura de servizo no primeiro xogo e certificando o break no seguinte. Aínda que Berberovic puido igualar a contienda en dúas ocasións con 3-3 e 5-5, nunca foi quen de adiantarse no marcador.

O undécimo xogo do primeiro set foi clave, xa que Dmitruk encadeou un inverosímil golpe gañador de revés paralelo á liña cunha maxistral deixada cruzada no punto posterior. Uns instantes despois, xa coas novas pelotas tal e como indica o regulamento, a bielorrusa selou o primeiro set co seu servizo. E xa non mirou atrás en ningún momento.

No inicio do segundo set, Berberovic non atopaba ningunha maneira de desarmar a sua rival e, tentando forzar a máquina, os erros non forzados acumuláronse demasiado. Non foi o día máis acertado nin moito menos para a bosnia, que en semifinais gañara á galega Jéssica Bouzas.

Con estes 50 puntos WTA que Dmitruk suma ao seu casilleiro, a flamante gañadora en Ourense achégase á barreira do Top 300 e continúa coa súa progresión moi alcista. A bielorrusa leva un récord de 38 vitorias contra 13 derrotas nesta campaña, un sinal de que está máis que preparada para retos maiores. Foi un luxo gozar do seu tenis durante toda a semana no Club Santo Domingo.

O calendario próximo de Dmitruk inclúe o W25 de Vigo esta semana e despois un W80 en Francia. No horizonte, os grandes escenarios do tenis mundial.