Jessica Bouzas Maneiro xogou o Open Internacional de San Sebastián de categoría W60, estes foron os seus resultados:

Na modalidade individual, Jessica gañou na primeira rolda á rusa Tatiana Barkova por 7-5 e 6-2, pero perdeu 7-6(1) 6-2 no seu partido de oitavos de final ante a tenista arxentina Paula Ormaechea, xogadora que chegou a ocupar o posto 59 da clasificación da WTA en 2013.

Na proba de parellas deste internacional, Jessica chegou ás semifinais coa súa compañeira Leyre Romero Gormaz. Foron cabezas de serie número 2 e comezaron vencendo ás españolas Naroa Aranzabal e Maialen Idiakez por 6-1 e 6-2 pero posteriormente caeron ante Aliona Bolsova (ESP) e Katarina Zavatska (UKR), xogadoras que lograron ser as campioas de dobres do torneo.