O sábado día 9 celebrouse no Pavillón Municipal dos Remedios de Ourense o primeiro torneo de Pickleball organizado pola Federación Galega de Tenis.

Este deporte emerxente con tanto éxito noutros países e que xa comezou a implantarse noutras comunidades autónomas tivo esta fin de semana o seu primeiro torneo oficial en Galicia, concretamente na cidade de Ourense, cun total de 38 inscricións nas distintas categorías.

Desenvolvemento do torneo:

Xogáronse 3 cadros: individual masculino, individual feminino e dobres.

En todos eles houbo unha fase de grupos e posteriormente cadros eliminatorios, polo que os xogadores disputaron partidos ao longo de toda a xornada.

Deportistas de toda Galicia chegaron para disputar este primeiro torneo de Pickleball, que contou coa colaboración da Asociación Galega de Pickleball.

O bo ambiente e a deportividade entre todos os participantes foi a tónica predominante nun torneo que estivo dirixido por Carlos Coira.

Entrega de trofeos:

Na entrega dos trofeos estiveron presentes:

• Xosé Mosquera, presidente da Federación Galega de Tenis.
• Jorge Dulivio, presidente da Asociación de Tenis de Aveiro.
• José Carlos Otero, presidente da Asociación de Pickleball Galicia.

Cadro de honra:

Absoluto Masculino:

• Campión: Santiago Otero Rodríguez
• Finalista: Rubén Araujo Vázquez

Absoluto feminino:

• Campioa: Consuelo Domínguez Munaiz
• Finalista: Alicia González Franco

Absoluto Dobres:

• Campiones: Ignacio Garrido Carrera e Francisco Yáñez Brea
• Finalistas: Santiago Otero Rodríguez e Miguel Anxo Rodríguez Piñeiro