I Open Cidade de Ourense (Circuíto Nacionais)

Esta fin de semana disputáronse nas pistas do Club Santo Domingo os partidos finais do I Open Cidade de Ourense, onde Iago Domínguez, favorito do torneo, impuxo o seu xogo sobrio e seguro para alzarse co trofeo de campión.

Nas semifinais, Iago derrotou ao asturiano Diego Blanco Goytia por 6-3 e 6-1, nun partido cun resultado contundente pero moi traballado. Nos momentos cruciais, Iago soubo sufrir e facer unha lectura táctica do encontro que finalmente lle deu un posto na final.

Na parte baixa do cadro, Borja Fernández, favorito número 2, enfrontouse a Martín Domínguez, sendo o resultado 6-3 6-3 para o primeiro nun partido moi desdibuxado polos numerosos erros non forzados de Martín, que nunca puxo en perigo a vitoria dun práctico Borja Fernández.

Na gran final, Iago derrotou a un combativo Borja por 6-3 e 6-1, xogando con eficacia e solidez, minimizando os seus erros e provocando os do seu rival, que intentou forzar para reducir a distancia no marcador, pero nunca foi capaz de inquietar a vitoria de Domínguez.

Prensa:

Cadro
Fact Sheet
Bases
Cartel

Comparte