A Federación Galega de Tenis anuncia a posta en marcha do Circuíto Pickleball Lintel Head Tour25, unha competición que percorrerá diversas localidades galegas ao longo de 2025 e que reunirá aos mellores xogadores.

Este circuíto constará de seis probas clasificatorias, ademais do MÁSTER final para os xogadores mellor clasificados.

Como medida de promoción, aqueles xogadores que obteñan a súa primeira licenza terán 2 inscricións gratuítas para a primeira ou segunda proba do circuíto.

Categorías e modalidades

O circuíto disputarase nas seguintes categorías:

• Sub-14 (Individual Unisex e Parellas Unisex)
• Absoluto (Individual Masculino e Feminino / Parellas Masculino, Feminino e Mixto)
•  Veteranos +50 (Individual Masculino e Feminino / Parellas Masculino, Feminino e Mixto)

Formato de competición

Os torneos disputaranse en diferentes formatos dependendo das inscricións.
A puntuación variará segundo a rolda e a categoría, acumulándose para o ranking do circuíto.
Os mellores xogadores do ranking serán convidados ao MÁSTER final, onde se entregarán premios en material deportivo.

Inscricións

A inscrición estará aberta na páxina web da Federación Galega de Tenis (www.fgtenis.net). Requírese licenza federativa activa.

¡Non perdas a oportunidade de formar parte do evento de Pickleball máis importante de Galicia!