Celia Cerviño volveu con forza ao circuíto internacional feminino, esta fin de semana fíxose coa prata no Torneo Internacional Feminino Lousada Indoor Open.

Na primeira rolda, eliminou a Emma Wilson (GBR) 6-2 6-1 e na segunda a Klaudija Bubelyte (LTU) 6-7(1) 7-5 7-6(7). En cuartos de final desfíxose da favorita do sorteo, a francesa Oceane Babe 0-6 7-5 6-4 e en semifinais impúxose a Clara Vlasselaer (BEL) 6-7(2) 6-1 6-2.

Na final caeu ante a sueca Kajsa Rinaldo Persson cun resultado de 7-5 6-2.

Na proba de dobres, fixo equipo coa xogadora suíza Tess Sugnaux. Nas semifinais venceron a Nicole Gadient (SUI) e Emma Wilson (GBR) 6-4 6-2, pero na final perderon ante as favoritas Oceane Babel (FRA) / Leonie Kung (SUI), o resultado mostra o disputado que estivo o partido 7-6(3) 5-7 [ 10-2].