Celia Cerviño Ruiz proclamouse campioa de dobres do Torneo WTA de Monastir (Túnez) celebrado do 13 ao 19 de decembro de 2021.

É a segunda vez que Celia logra o podio neste torneo, xa que o ano pasado foi subcampioa en dobres.

Na proba individual, Celia impúxose cun claro 6-1 6-1 á francesa Astrid Cirotte e gañou 7-5 7-5 á suíza Arlinda Rushiti. En cuartos de final, a belga Eliessa Vanlangendonk eliminouna cun resultado de 6-1 7-5.

Nos dobres formou parella coa xogadora de Hong Kong Man Ying Maggie NG. Impuxéronse por 6-2 1-6 [10-8] ás irmás xaponesas Rina Saigo e Yukina Saigo e nos cuartos venceron ás checas Tereza Dejnozkova e Denisa Hinova cun dobre 6-4. En semifinais venceron ás cabezas de serie número 3 cun resultado de 6-7 5-10 [8-2], Akvile Parazinskaite (LTU) e Eliesa vanlangendonk (BEL). 

Por último, na final, Celia e Maggie venceron ás terceiras cabeza de serie Jenny Duerst (SUI) / Hong Yi Cody Wong (HKG) cun gran resultado de 6-2 6-4.

¡Parabéns!