A Xunta Electoral lembra que non é posible a representación de persoas físicas na Asemblea Xeral Constitutiva (14/10/22) e, que as entidades deportivas só poden estar representadas pola persoa que exerce a presidencia ou aquela autorizada polos Estatutos da Entidade. Neste caso, a persoa representante debe levar consigo un documento que acredite a válida representación (o artigo dos estatutos que o autoriza ou o certificado da inscrición do Rexistro de entidades deportivas e deportistas de Galicia en que figuren os representantes legais da entidade). Non é suficiente unha representación asinada pola presidencia.