Do 22 de abril ao 17 de maio celebrouse a terceira proba do Galicia Head Tour, que tivo como sedes ao Casino Mercantil e Industrial de Pontevedra e ao Club de Tenis El Rial, celebrando a XXXII edición do Torneo Santa Rita. Ademais, para reducir no posible os desprazamentos dos xogadores, contamos co Club de Campo de Ferrol como club de apoio na zona norte para poder disputar partidos nos que ambos xogadores fosen da zona norte.

Nesta terceira proba disputáronse 28 cadros nos que participaron 300 xogadores que, ao longo destas semanas, deron o mellor de si mesmos para lograr un gran torneo. Cabe destacar unha vez máis o bo comportamento dos xogadores, mantendo o bo ambiente do tenis e o fair play.

Na entrega de trofeos contamos con distintas autoridades, destacando a presenza de Miguel Díaz, presidente da Real Federación Española de Tenis, Xosé Mosquera, presidente da Federación Galega de Tenis, Luisa Sánchez, presidenta do Club de Tenis El Rial, Roberto Vega presidente do Casino Mercantil e Ind. de Pontevedra e Gabriel Fernández presidente do CEAT e vicepresidente da FGTenis. Ademais, tamén participaron na entrega de trofeos Paula Rey e Maila Brianes como directivas do Club de Tenis El Rial, Alberto Pérez vicepresidente do Mercantil de Pontevedra, Daniel Otero e Manuel Acuña, responsables técnicos do Mercantil de Pontevedra e do Club de Tenis El Rial, así como o director deportivo da FGTenis Marco Casal e o coordinador do Circuito Galicia Head Tour, Carlos Coira.

A vindeira proba do circuíto será do 22 ao 31 de xullo en A Coruña, tendo como sedes o R. Club de Tenis Coruña e o Sporting Club Casino Coruña.

Ademais das probas do circuíto (categorías alevín, infantil, cadete e júnior) disputaranse ao mesmo tempo o Campionato Galego Absoluto, o Campionato Galego de Tenis en Cadeira e o Campionato Galego Benxamín, unha semana grande do tenis galego na que se reunirán de novo as mellores raquetas de Galicia nas distintas categorías.

CADRO DE HONRA: