2ª Proba do Circuíto Galicia Head Tour (Infantil e Júnior) e Campionato Galego Alevín e Cadete

A 2ª Proba do Circuíto Galicia Head Tour (infantil e júnior) e o Campionato Galego Alevín e Cadete concluíron no CCD de Sanxenxo e no CC Mercantil e Ind. de Vigo.

CRÓNICA:

A pasada fin de semana concluíu a 2ª proba do Galicia Head Tour, que incluíu os Campionatos Galegos Alevín e Cadete e o Torneo Head nas categorías infantil e júnior.

O CCD Sanxenxo acolleu as categorías alevín e júnior, mentres que o CC Mercantil e Ind. de Vigo foi o encargado de albergar as categorías infantil e cadete.

Rexistráronse un total de 421 inscricións, con 22 cadros disputados, o que o converte noutro éxito en canto a participación, cun gran ambiente imperando entre os xogadores nos máis de 350 partidos que se xogaron.

Nesta ocasión, o tempo foi favorable, permitíndonos xogar a maior parte do torneo nas pistas abertas do Mercantil e Sanxenxo, aos que queremos expresar o noso agradecemento pola súa total colaboración e disposición a axudar a través dos seus responsables Álex Soto e Antón Hernández respectivamente.

Vivimos 4 fins de semana de partidos emocionantes, con nervios, con alegrías e por que non dicilo, tamén con algunha bágoa nos máis pequenos, algo normal cando se vive o tenis con intensidade e paixón, pero que pronto se recuperan animados polos seus compañeiros.

Na categoría alevín masculina, Mateo Freijeiro, do CT Coruña, gañou o título de campión galego ao derrotar a Pablo Modroño, do Casino Coruña, por 6-3 e 6-2. Na categoría alevín feminina, Valeria Alén, tamén do CT Coruña, venceu a Ana Sofía Machado, da Escuela de Tenis Justo al Revés, por 6-0 e 6-2.

Na loita pola terceira praza para o campionato de España, o xogador da URECA Marcos Viñas venceu a David Rico do Casino Coruña, nun emocionante partido que se resolveu no tie-break 2/6-7/6(4)-10/3.

En dobres masculino, Mateo Freijeiro e Pablo Modroño venceron por 6/4-7/6(7) a Marcos Viñas e Leo Edmundo Arce, mentres que en feminino a parella formada por Karolina López e Elena Escribano impúxose por 6/2-6/0 á parella formada por Valeria Alén e Teba Santos.

En dobres mixtos, a parella local Sancho Santano e Jimena Alvear venceron aos irmáns do Mercantil de Vigo Karolina e Gonzalo López por 7/6 (3)-7/6(4)

No galego cadete, Maire Grace Ryan, do CT Coruña, coroouse campioa galega tras vencer a Blanca Talín, do CT As Termas, por 7/5-6/0, mentres que na categoría masculina, Mateo Valares, do Fluvial de Lugo, impúxose no terceiro set a Yago Díaz, do Mercantil de Vigo por 6/7(5)-6/3-6/2.

As xogadoras do CT Coruña Maire Grace Ryan e Ana Victoria Mella gañaron a final de dobres contra Ariadna Pazos e Lucía Pena, do Mercantil de Vigo e do Casino Coruña respectivamente, por 6/4-6/4, e os xogadores do Mercantil de Vigo Javier Lois e Yago Díaz convertéronse en campións galegos nunha final que non se puido xogar por enfermidade dun dos xogadores da parella Mateo Valares e Pablo Somoza.

Estes campionatos gallegos foron clasificatorios para os campionatos de España alevín e cadete que se celebrarán en:

Campionato de España Cadete:

Sede: Club Tenis Llafranc, Palafrugell (Girona).
Data: Do 15 ao 21 de xuño de 2026.

Clasificados: Maire Grace Ryan e Mateo Valares. (Ademais, outros xogadores poderían clasificarse por ranking).

Campionato de España alevín:

Lugar: Emilio Sánchez Academy. El Prat de Llobregat (Barcelona)

Data: Do 20 ao 27 de xuño de 2026.

Clasificados: Mateo Freijeiro, Pablo Modroño, Marcos Viñas, Valeria Alén, Ana Sofía Machado, Elena Escribano e Ximena Rodríguez en individuais e as parellas de dobres M.Freijeiro/P.Modroño e E.Escribano/K.López.

Ademais dos campionatos galegos, tamén se celebraron os torneos Head nas categorías infantil e júnior. Os gañadores nas primeiras divisións foron:

Na categoría júnior masculina, Jaime Espino, do Fluvial de Lugo, venceu a Martín Fernández, do CT Recreo Cultural, por 6/1-6/3, e na feminina, Iris Álvarez, do CT Mieres del Camín, venceu a Maire Grace Ryan, do CTCoruña, no match tie break 2/6-6/3-10/8.

Na categoría infantil masculina, Daniel Costa, do Mercantil de Vigo, venceu ao seu compañeiro de club, Hugo Nogueira, por 6/2-6/4, mentres que na categoría infantil feminina, Ariadna Pazos, tamén do Mercantil de Vigo, gañou un axustado partido contra Catalina Lariño, do CT Pontevedra, por 3/6-6/3-10/7.

Nas entregas de trofeos estiveron presentes membros das xuntas directivas de ambos clubs, así como persoal da federación. No caso de Sanxenxo, o Sr. Francisco Hernández, presidente do club e directivo da Federación Galega de Tenis, transmitiu aos xogadores e ás súas familias a necesidade de loitar por un cambio na lei do solo de Galicia, que permita mellorar as condicións urbanísticas para posibilitar a construción de instalacións cubertas, tan necesarias para o desenvolvemento do noso deporte en Galicia. A Federación xa iniciou o proceso, pero ata o de agora non tiveron éxito, polo que é fundamental seguir loitando para mellorar as condicións de adestramento e competición do tenis en Galicia.

Lista de campións:

Campionato Galego Alevín:

Campión Galego Alevín Masculino	Mateo Freijeiro Pedreira
Subcampión Galego Alevín Masculino	Pablo Modroño Rodríguez
Campioa Galega Alevín Feminina	Valeria Alén Fernández
Subcampioa Galega Alevín Feminino	Ana Sofía Machado Abreu
Campións Galegos Alevíns Masculinos Dobres	Mateo Freijeiro Pedreira / Pablo Modroño Rodríguez
Subcampións Galegos Alevíns Masculinos Dobres	Leo Edmundo Arce Wadecki / Marcos Viñas Fontán
Campióas Galegas Alevíns Femininos Dobres	Karolina Lopez Stoudova / Elena Escribano González
Subcampioas Galegas Alevíns Femininos Dobres	Valeria Alén Fernández / Teba Santos Suárez
Campións Galegos Alevíns Dobres Mixtos	Jimena Alvear Garrido / Sancho Santano Rey
Subcampións Galegos Alevíns Dobres Mixtos	Gonzalo López Stoud / Karolina López Stoudova

Campionato Galego Cadete

Campión Galego Cadete Masculino	Mateo Valares Otero
Subcampión Galego Cadete Masculino	Yago Díaz Pérez
Campioa Galega Cadete Feminina	Máire Grace Ryan Pías
Subcampioa Galega Cadete Feminino	Blanca Talín Maíz
Campións Galegos Cadetes Masculinos Dobres	Javier Lois Iglesias / Yago Díaz Pérez
Subcampións Galegos Cadetes Masculinos Dobres	Pablo Somoza Remeseiro / Mateo Valares Otero
Campioas Galegas Cadetes Femininos Dobres	Ana Victoria Mella García / Máire Grace Ryan Pías
Subcampioas Galegas Cadetes Femininos Dobres	Ariadna Pazos Crespo / Lucía Pena Domínguez

2ª Proba do Galicia Head Tour Infantil

Campión Infantil Masculino 1ª	Daniel Costa Sestelo
Subcampión Infantil Masculino 1ª	Hugo Nogueira Rodríguez
Campión Infantil Masculino 2ª	Djwazveda Mariño Tonet
Subcampión Infantil Masculino 2ª	Alberto Lomba Álvarez
Campión Infantil Masculino 3ª	Yago Lozano Mellid
Subcampión Infantil Masculino 3ª	Iago Souto Martínez
Campiona Infantil Feminina 1ª	Ariadna Pazos Crespo
Subcampioa Infantil Feminino 1ª	Catalina Lariño Vidal
Campiona Infantil Feminina 2ª	Carolina González Fernández
Subcampioa Infantil Feminino 2ª	Valeria Alén Fernández
Campiona Infantil Feminina 3ª	Alba Santos Barral
Subcampioa Infantil Feminino 3ª	Ana Prada Martínez

2ª Proba Galicia Head Tour Junior

Campión Junior Masculino 1ª	Jaime Espino Sevilla
Subcampión Júnior Masculino 1ª	Martín Fernández Cores
Campión Junior Masculino 2ª	Marc Nicolás Andrade
Subcampión Júnior Masculino 2ª	Miguel Martín-Arroyo Añibarro
Campioa Junior Feminino	Iris Álvarez Fernández
Subcampioa Júnior Feminino	Máire Grace Ryan Pías